Gehienezko Errepikapenak Sahiestuz, Progresio Tematikoa Bermatzeko Baliabideak

Egilea: Anonimoa -
Testuko hitzak erlazionatzeko eta testuaren esanahia eraikiz joateko, maiz, testuan aurrez aipatutako hitz edo hitz multzo bati erreferentzia egin behar izaten zaio. Horrela, gaiari jarraipena emanez, testuaren progresio tematikoa ziurtatzen da. Aurreko hitzari erreferentzia egiteko modu agerikoena hitza bera berriz errepikatzea izan liteke. Baina ez al litzateke oso errepikakorra suertatuko testua? Hizkuntzak baditu hainbat baliabide gehiegizko errepikatzeak saihesteko eta progresio tematikoa ziurtatzeko. Horiei erreferentzia-mekanismoak edota anaforak esaten zaie. Hauek dira horietako batzuk:
1. Hitz bat antzeko esanahia duen beste hitz batez ordezkatzea: sinonimoa edo hiperonimoa.
Sinonimoa: testuinguru horretan aurrez aipatu den hitzaren esanahi bera duena.
Tobera bi lagunen artean jotzen den euskal musika-tresna da, txalapartaren antzekoa. Metro eta erdi luzerako burnizko hodi batek osatzen du. Tutua jotzeko, metalezko 30 zentimetro luzeko lau haga erabili ohi dira.
Hiperonimoa: aurrez aipatutako hitza baino esanahi zabalagoa duena.
Txistua dantzak laguntzen dituen instrumentua izan ohi da, erromerietan eta gorazarreko udalekitaldietan. Zenbait urtetatik hona, musika-tresnaren aukera itzelak erakusten dituzten kontzertuak eman izan dira.
2. Hitz bat erreferentzia egiten dion erakusle batez ordezkatzea.
Danbolina perkusiozko musika-tresna da, Euskal Herrian tradizionalki oso hedatua. Txistuaren lagungarri jo ohi da, atabala bezala. Baina, haren aldean, altuagoa eta estuagoa da danbolina.
3. Hitz bat antzeko esanahia duen sinonimo edo hiperonimo batez gehi erakusleaz ordezkatzea.
Ttun-ttuna perkusiozko musika-tresna da. Pirinioen mendebaldean erabili izan da gehien. Instrumentu horreksei soka ditu eta makila batez jotzen da.

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago