Testua Osorik Irakurri Gabe, Galderek Eskatutako Informazioa Identifikatzeko Estrategien Bilduma

Egilea: Anonimoa -
1. Galdera bakoitzean gako-hitza(k) identifikatzea
2. Testuari bere osotasunean behatzea:
Testuari bere osotasunean behatzeak esaten denaren ideia orokorraz jabetzen laguntzen du. Ikuspegi orokor horrek ahalbidetzen du zati bakoitzak osotasunean zer leku duen antzematea, baita zatien arteko lotura bilatzea ere.
Testuek, laburrak ala luzeak izan, atalak izaten dituzte. Atal horiek testu motaren araberakoak dira; ez dituzte atal berak, esate baterako, eskutitz batek, errezeta batek, leku-deskribapen batek, ipuin batek… Baina guztiek izan ohi dute testuaren gaia adierazten duen izenburua, eta haren ondoren doa testua eta, kasuan-kasuan, testu-atalak.
Testu batzuetan, aldizkari eta egunkarietako artikuluetan, sarrera bat egon ohi da, testuaren laburpena egiten duena eta alderdirik esanguratsuenak biltzen dituena; testuak azalduko diguna ulertzen laguntzen du.
Testuetako azpitituluek, izenburu orokorrak bezala, testu-atalen gaia eta nondik norakoak aurreratzen dizkigute. Atal horiek elkarri loturik daude, gai orokorraren parte dira, haren hainbat alderdiren garapena. Azken batean, testu-atalak testuaren izenburuak aditzera ematen duen gaiaren garapena dira.
Izenburuak eta azpitituluak marka tipografikoek nabarmenduta ageri ohi dira: LETRA LARRIA, letrakera lodia, azpimarra, letrakera etzana… Horiez gain, testuetan izaten dira beste zenbait elementu, marka horiekin nabarmenduta ageri direnak: hitzak, hitz multzoak, zenbakiak, esaldiak… Testuaren behaketa orokorrean adierazle tipografikoei erreparatzea lagungarria izan daiteke informazio zehatza bilatzeko. Izan ere, elementu horiek testuan funtzio bereziak dituztelako nabarmendu dira: ideiek testuan duten hurrenkera adieraztea; kontzeptu, ideia edo datu garrantzitsu edo berri bat azpimarratzea; adibideak jartzea…
Horrenbestez, testuari osotasunean behatzea lagungarria izaten da galderak eskatzen duen informazioa zein ataletan egon daitekeen azkar identifikatzeko eta zuzenean bertara joateko.

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago