Gorputz Geometrikoak

Egilea: Anonimoa -
GORPUTZ GEOMETRIKOAK
Irudi lauak bi dimentsiokoak (2D) dira, hots, paper batean marrazteko modukoak. Espazioan, aldiz, eremu itxiak sortzeko gainazal edo plano-zatiak behar dira, hori dela eta, hiru dimentsioko (3D) gorputz geometrikoak sortzen dira.
Bi motatako gorputz geometrikoak bereizten dira, poliedroak eta biraketa-gorputzak.
1. Poliedroak poligono lauez mugatutako gorputzak dira. Poligono bakoitza aurpegi bat da. Bi aurpegi ebakitzean sortzen den segmentua ertza da, eta ertzek bat egiten duten puntua erpina.
• Poliedro erregularretan, aurpegi guztiak poligono erregular berdinez osatuta daude. Guztira, bost poliedro erregular daude. Horiek aurpegi kopuruen arabera izendatzen dira, kopuruari dagokion aurrizkia, eta aurpegia esan nahi duen -edro atzizkia elkartuta: tetraedroa, hexaedroa, oktaedroa, dodekaedroa eta ikosaedroa (20 aurpegi).
Gorputz hauei gorputz platonikoak ere esaten zaie.
• Erregularrak ez diren poliedro guztien artean, ezagunenak prismak eta piramideak dira.
- Prisma oinarri izeneko bi aurpegi paralelo berdinez eta hainbat paralelogramoz mugatutako gorputza da. Prismak oinarriko poligonoaren arabera izendatzen eta sailkatzen dira.

- Piramidea oinarritzat poligonoa duen eta hainbat aurpegi triangeluar dituen poliedroa da. Triangelu horiek erpin komun bat dute, hain zuzen ere, piramidearen erpina. Piramideak ere oinarriko poligonoaren arabera izendatzen eta sailkatzen dira.

2. Biraketa gorputzak irudi lau bat ardatz baten inguruan biratuta sortutako gorputzak dira. Ezagunenak honako hauek dira:

Zilindroa                                   Konoa                                      Esfera    

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago