Euskal Herriko Paisaiak

Egilea: Anonimoa -
Herriko mendizale-elkarteak hitzaldi bat antolatu du: Paisaia miresgarriak ezagutu korrika eginez, eta Julen Urdaibai korrikalaria da hizlari gonbidatua, elkarteak ondo baitaki Julenek munduan barrena ikusitako paisaien argazki-bilduma itzela duela.
Izan ere, kirolariak lasterketa askotan hartu du parte eta leku zoragarri askotan ibili da. Leku horietan guztietan bizi izandako abenturak eta esperientziak kontatu ditu Julenek: Saharako basamortukoak, Amazonaseko oihanekoak, Alpeetakoak, bai Antartidan eta bai Euskal Herriko mendietan ikusitako paisaiei buruzkoak…
Julen Urdaibaik berak esandakoa da, herriko mendizale-elkarteak antolatutako hitzaldian: “Nik asko disfrutatzen dut gure inguruko mendietan korrika. Paisaia harrigarriak eta leku zoragarriak ikusi ditut: zuhaitzak, txoriak… eta usain gozoak ere usaindu ditut…”.
Amaia irakaslea hitzaldian izan da, eta, mendizale-elkarteko kidea izateaz gain, Julenen ikaskidea izandakoa denez, hark egindako agerpenaren irudiak eskuratu ditu, eta ikasgelan ikasleei aurkeztea erabaki du. Agerpeneko irudiak (lasterketetako argazkiak) erakutsi dituenean, ikasleak harrituta gelditu dira ikusitakoarekin, eta berehala hasi dira galderak egiten:
• Zergatik aldatzen da hainbeste planetako lurrazala leku batzuetatik beste batzuetara?
• Zerk baldintzatzen du, kasu bakoitzean, leku eta paisaia hain desberdinak egotea?
• Nolakoak dira munduko paisaiak?
• Eta Euskal Herrikoak?
• …
Galdera horien guztien erantzunak bilatzeko eta aurkitzeko eginkizuna eta ardura hartu duzue ikasgelan. Horretarako, talde txikitan, lurrazalean (erliebean) hainbat faktorek duen eragina kontuan hartu, faktore horiek aztertu eta Euskal Herriko paisaiei buruzko ikerketa bat egin beharko duzue. Ikerketa horretan lortutako emaitzak ahozko agerpen baten bidez adierazi beharko dituzue, eta agerpen hori ikusgarriagoa eta erakargarriagoa izateko, irudiekin (diapositibekin) apainduta egitea komeni zaizue.

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago