Nerabezaroa Eta Sexualitatea

Egilea: Anonimoa -
Hona hemen Harluxet hiztegiak sexualitate hitzari ematen dion definizioa.
Sexualitatea. Sexuari dagozkion ezaugarri fisiologiko, psikologiko edo kulturalen multzoa; direlako ezaugarriekin lotuta dagoen pertsona arteko jarduera edo portaera, erakarpen fisiko gisa agertzen dena eta atsegin sexuala lortzera bideratuta dagoena.
Zer esan nahi du horrek? Hona hemen zenbait puntu sexualitatearen ideia osatzen joateko, eta zuen eztabaidetarako baliagarriak izan daitezkeenak:
• Sexualitatea emakumea ala gizona izatearen bizipena da. Sexualitateak badu zerikusia gorputzarekin, aldartearekin, emozioekin, norberaren bizipenekin, pertsonen artean harremanak bideratzeko moduarekin…
• Sexua ez dago ezinbestean lotuta ugaltze-organoekin eta genitalekin: sexua gu geu gara, sexudunak gara, sexua gorputz barneko txoko guztietan dugu.
• Pertsonaren burmuinean bizi da pertsona horren sexu-identitatea; hau da, burmuinean sentitzen da pertsonaren generoa, emakume ala gizon izan, eta horrexek finkatzen du gure sexu-orientazioa, eta ez beste edozerk.
• Jaiotzetik hil arte gure gorputzak hainbat aldaketa izaten ditu, eta aldaketa nabarienak nerabezaroan izaten dira.
• Nerabezaroan umea heldu bilakatzen da, prozesu biologikoak eta fisiologikoak medio.
• Generoak bi dira, baina bien artean hainbat konbinazio gertatzen da. Gizonezko batzuek emakumeak maite dituzte; beste batzuek, aldiz, gizonezkoak. Emakumezko batzuek gizonezkoak maite dituzte eta, beste batzuek, aldiz, emakumezkoak.
• Ugalketa eta sexualitatea ez dira gauza bera. Sexualitatean garrantzitsua da norberaren identitatea, elkarrekin bizitzea, plazera lortzea, pertsonen arteko desioa eta maitasuna… Hori dena da sexualitatea.
• Sexualitatea ez da bakarrik genitala, ez da bakarrik koitoa edo orgasmoa, bestelako osagarriak ditu: desioa, plazera, elkarrekin ondo egotea…
• Garrantzi handikoa da zeure sexu-orientazioa ezagutzea eta onartzea, eta nork bere burua horrelaxe adieraztea: homosexual, heterosexual, bisexual…
ZAREN BEZALAXE MAITA EZAZU ZEURE BURUA ETA DEN BEZALAXE MAITA EZAZU BESTEA.
Nerabezaroko aldaketak
Pertsonen bizitzan zehar etengabe aldatuz joan ohi gara, bai fisikoki, baita gure nortasunean ere, baina aldaketa nabarienak nerabezaroan gertatzen dira.
Hauek dira neskengan gertatzen direnak: aldakak zabaldu egiten dira, bularrak hazten hasi, aluaren inguruan biloxkak atera, hilekoa agertzen da…
Mutilengan, biloxken agerpenaz gain, aldaketak hauek dira: ahotsa aldatzen da, barrabilak eta zakila hazi, lehenengo espermatozoideak sortzen dira, sorbaldak zabaldu…
Gorputzeko aldaketez gain, norberaren izaeran eta besteekiko erlazioetan ere aldaketak gertatzen dira. Hona hemen aldaketa horietako batzuk:
• familiatik bereizteko (independizatzeko) nahia
• adiskidetasuna balioestea
• amodiozko lehenengo sentimenduak agertzea
• intimitatea eta bakardadea bilatzea
• askatasuna eta justizia gizako kontzeptuak planteatzea
• arazo sozialetan eta politikoetan definitzen hastea

Blog honetako argitalpen ezagunak

Aditz Jokatuak eta Jokatugabeak

Egilea: Anonimoa -
Aditzak ekintza baten ( dator, jan, igeri egin dugu ) edo norbaiten edo zerbaiten egoera adierazten du ( izan, geunden ). Aditzak molde jokatuan eta jokatugabean ager daitezke. Aditzak , molde jokatuan, ekintzaz edo egoeraz gain, beste hainbat informazio ematen du: ekintzan parte hartzen duten pertsonak, ekintzaren denbora… Pertsonei dagokienez, euskaraz aditz jokatuak, berak bakarrik, beste hizkuntza batzuetan baino informazio gehiago ematen du; izan ere, euskarazko aditz jokatuak ematen duen informazioa emateko, elementu gehiago behar dira beste hizkuntza batzuetan. Hona adibide batzuk: Ikusi dut esanda, nik zerbait orain dela gutxi ikusi dudala adierazten da. Gaztelaniaz lo/la/le he visto esan beharko nuke hori bera adierazteko, eta ingelesez I have seen it . Ikusi zenuen -ekin zuk norbait atzo edo lehenago ikusi zenuela adierazten da. Ikusiko gaituzte : norbaitzuek gu gero ikusiko gaituztela. Gaztelaniaz, nos verán ; ingelesez, they will see us . Ikusi
Irakurri informazio gehiago

Animalien Sailkapena

Egilea: Anonimoa -
Irudia
Hauexek dira animalien bi ezaugarri nagusi: • Elkarren artean eta inguruarekin erlazionatzeko erraztasuna dute eta inguruko eraginei erantzuteko ahalmena. • Elikadura heterotrofoa dute, hots, beste bizidun batzuk janez elikatzen dira. Animaliak bi talde handitan sailkatzen dira: ornodunak eta ornogabeak. Ornodunek bizkarrezurra dute, eta barneko hezurdura; ornogabeek ez dute bizkarrezurrik, eta, izatekotan, gorputzaren kanpo aldeko babesa edo oskola dute. Animalia ornodunak Bizkarrezurra edukitzea da ornodunen ezaugarririk garrantzitsuena. Bizidunen arteko animalia ezagunenak dira ornodunak eta 45.000 espezie inguru omen daude gaur egun. Ornodunak hainbat bizimodutara eta ingurutara moldatu dira, eta horren ondorio da hainbat forma eta itxurako animalia ornodunak izatea. Gizakientzat garrantzi ekonomiko handia dute. Ornodunen artean dago ugaztunen klasea, eta horren barruan gaude gizakiok, ezin baitugu ahaztu gu ere animalia ornodunak garela, eboluzio prozesu luze b
Irakurri informazio gehiago

Zenbat Planeta Daude Unibertsoan

Egilea: Anonimoa -
Sei urte luzez ikertzen jardun ondoren, zientzialariek kalkulatu dute gutxi gorabehera 100.000 milioi planeta daudela gure galaxian. Dirudienez, izar bakoitzeko 1,6 planeta daude, batez beste, eta zenbat eta txikiagoak izan planetak, orduan eta ugariagoak dira. Lehen, pentsatzen genuen Lurraren antzeko planetarik ez zegoela; orain, badirudi Lurraren antzeko masa duten milioika planeta dabilela izarren inguruan biraka.
Irakurri informazio gehiago